درب الهياتة

 

هالنـاس والله مـدري كيـف اراضيهـا كلـن يبيـنـي عـلـى كيـفـه ومشهـاتـه

يـومـن قلـبـي وحـيـد وحـايـر فـيـهـا ودمـوع عينـي بخـدي ابـرز سمـاتـه

وكبدي نشافن هماج الوقـت ضاميهـا لقيـت صـافـي الـقـراح زلال كلمـاتـه

وجـروح قلبـي عطيبـة مـن يداويـهـا يا كود عـذب القصايـد فـي مواساتـه

ويـوم الليالـي ســواد مــن يضوّيـهـا يـا كـود شـوق ملـك قلبـي بهمسـاتـه

شـوق كريـم عزيـز النـفـس معليـهـا انـا اشهـد انـه حيـاة القـلـب ومنـاتـه

واليـوم نفسـي لقـت منـهـو يجافيـهـا كلـن تهمنـي بخيـال الشعروجمحـاتـه

والشعر نصـه طيـوف وعايـش فيهـا والنـص الاخـر نسيـج مــن خيـالاتـه

غويت بحروف وقوافي قمت اجاريها ويومن نظمته قصيـدي واكتمـل ذاتـه

لقيـت ربعـي سـهـوم الحـقـد تبريـهـا وبالشك الاسود وهمـز ولمـز بابياتـه

والله شريف واصون النفس اداريهـا ولالـي بـدرب الخطـا مشيـه ووقفاتـه

لفيـت همـس القـوافـي هايـمـه فيـهـا ولقيـت نفـسـي بصـولاتـه وجـولاتـه

وشفـت نـاس كثيـره قـمـت اباريـهـا منهم صدوق ومنهم صعـب توصاتـه

نفسـه عليلـه ذنـوب الغـيـر شاريـهـا كرهـت شوفـه وكنـت افـرح بجيـاتـه

رسم المشاعر سيوف النقـد تمحيهـا وخط الغزل اندمـج مـع درب الهياتـه

وانـا بـريـه مــن اوصــاف اسميـهـا خـيـال شاعـرشـرود مـــن معـانـاتـه

وسبحان ربـي هـو البـاري ومبريهـا وفي عايشه منزلـن محكـم مـن آياتـه

وســــــــــلامتكم,,

السفينة

لي تشوقنا اللقا= عيت الدنيا علينا
واعصفت بالبارقه =وارعدت بيني وبينه
وامطرتنا مغرقه =وشقت شراع السفينه
تفرض احساس الشقا =من بدينا وانتهينا
قلب من فيض النقا =يرتجي وصلك يزينا
انت شمسي المشرقه =وانت بدر السامرينا
وانت عمري ومابقى=من لياليه وسنينه
بس نارك محرقه= ايسر القلب ويمينه
أشهد اني عاشقه= وبطرف رمشك رهينه
كيف قلبي تسرقه= وكيف نفسي مستكينه
راضي وهو مالقى= غير حزنه والسكينه
صرت تايه بطرقه= ضايع وسط المدينه
مستوى حبك رقى =نايف وشامخ جبينه

وسلاااااااااااامتكم

أم رائد خليفه الدهمشي

تنويه البيتين الاول والثاني هما اقتباس 

من شعر الشيخ راكان ابن حثلين شيخ قبيلة العجمان

احببت ان ابدا بهما قصيدتي : 

(ياما حلا الفنجال مع سيحة البال

فــي مـجـلس مـا فـيه نـفسن ثـقيله

هـــذا ولـــد عـــمٍ وهــذا ولــد خــال

وهــــذا عــشـيـرٍ مـالـقـيـنا مـثـيـله)

والــحـق لازم يــاهـل الـحـق يـنـقال

قـصـيـدتي وصــف لـجـمايل دلـيـله

تــرى الـغلا وسـط الـمعاليق يـنشال

لاهــــو نــفـاق ولا مـجـامـل خـلـيـله

لـــو الـغـلا يـنـقاس والـحـب يـنـكال

يــرجـح غـلاهـا وغـيـرها م ارتـكـيله

نـشـميةٍ فــي طـيبها واخـت لـرجال

مـــاهــم بــأنــذالٍ ولاهــــم حـثـيـلـه

هـذي طبايعها سوا جيتها اب جال

ولاقـــصـــورٍ مـــــا تــغــيّـر دلــيــلـه

لا زرتـها تـنشد وتـسأل عـن الـحال

لاهـــــي بـنـمـامـه وتــــذم الــرذيـلـه

أطـلب لـها الـتوفيق مـع طيبة الفال

وارســـل لــهـا ورد وخـــزام ونـفـيـله

والـصدق لازم يـا هـل الـحق يـنقال

وأمـثـالـها بـالـطـيب نــاسـن قـلـيـله

ودوم اتـمـنـى بـقـربها نـكـون نــزال

رغـــم الـمـسـافه بـيـننا مــي طـويـله

واكـثـر مـنـهو يـنـطحك دوم صــوال

والا ايــتـشـكـك والـخـفـايـا عـلـيـلـه

الصاحب اللي يسدح العذر لا عال

يـدرك خـطا لـسانه و روحـه جـميله

والـبغض في وسط المعاليق لا طال

انــا اشـهـد انـه مـفلسٍ فـي عـميله

قـيمته عـند الـناس مـاتاصل اريـال

مــن جـالسه يـلقى الـسوالف مـليله

مـجـالس الـتـزييف والـكـذب يـنـقال

ولا تـامـن مـجـالسك مــن اي حـيله

يمشي كما الطاووس بالكبر يجتال

والــنــاس عــنـده مـايـراهـا نـخـيـله

هـذا الـذي بـانصح بـهجره ولو قال

عـنـي قـطـوع وشـرهته لـو ب جـيله

نـاسن سـواد اقـلوبها بكثر الاموال

الـلي شـكروها زادهـم مـن فـضيله

لا ابعدت عنهم تبشر بزين الاحوال

وقـربك يـشافي حـاسدك مـن غـليله

نـاسـن تـعد رجـال مـن دور الـعيال

نــــاسٍ رديــــه والـضـمـايـر ذلــيـلـه

وآخــر سـلامـي عـد قـطرات هـمال

وصـــلاة ربـــي مـاحـصينا مـسـيله

1416هـ

الطير و مهاجر

 

رماد الشوق في قلـبٍ وصـل بيـدك حـدود اليـاس خفوقٍ كان لك مخلـص وفـيّ ٍ وانـت تـدري بـه

قضى عمره يراعي لـك يشوفـك غيـر كـل النـاس تجاهلـتـه بـغـرور الـلـي ضـمـن طـيـره بتدريـبـه

تركـت الطيـر فـي جـوه وحيـد يطـارد الهـوجـاس وتبعت البـوم فـي ليلـك إليـن أصبحـت تهـذي بـه

وبعـت الحـر لـي نـادر عـزيـزٍ مايـوطّـي الــراس سلـيـل أحــرار ماهـابـوا سـقـوه الـعـز والهـيـبـه

جمع دينه على علمـه علـى طهـره عـن الأدنـاس على صبره على حسنه على صخفه علـى الطيبـه

وهـذي عـادة الدنيـا يـذوق الـقـرم فيـهـا اونــاس طعون الوقـت بـه تصبـح وهـم البيـن يسـري بـه

ضحكت وضحكتي تبكي على حرّ ٍ غرق باتعاس كـسـيـر جـنــاح والـمـاطـا قـصـيــراتٍ مخـالـيـبـه

يصيـح بصمـت وبجوفـه سعايـر تشعـل الأنـفـاس ويـشـكـي غـــدره الـهـاجـر وتجنـيـبـه وتغـريـبـه

متـى يلفـي علـى طيـره يـضـم بلهـفـة المحـتـاس يقـول آسـف وسامحنـي عـلـى جـرحـك وتعذيـبـه

مـتـى يـرجـع يضويـهـا حـيــاةٍ مـابـهـا نـومــاس متى يصحى ضمير ٍ مات ويجلي الشك والريبـه

عسـى ربـي يعافـي الطيـر لصغـاره يشـد الـبـاس ويـاقـى عـثـرة مهـاجـر ومــرد الـوقـت بيجـيـبـه

وصـلاة الله علـى محمـد عـدد ماخـط فـي كــراس وعــدد مـــادوّن الـشـاعـر أحـاسـيـس بمكاتـيـبـه

وسلامتكم ،،

زعلة الصاحب

القصايد عصتني

 

القصـايـد عصتـنـي والـشـعـر حـــارب سـمــاي والصـبـر مــل وتركـنـي والـحـزن خـيـم فـبـالـي

وضحكتي اللي فارقتني وفرحتـي وبسمـة شفـاي ودمعـتـي مــا أنكـرتـنـي رافـقــت مـــر اللـيـالـي

يا حروفي اللي شكتني وصارت أصعب من مناي اعذريـنـي يـــا حـروفــي ولا تلومـيـنـي تـعـالـي

صدقينـي مــا نسيـتـك لانــك اصــلا فــي دمــاي لكن الوقت وظروفه وصدمتي في شخـص غالـي

صدمتـي فـيـه اذهلتـنـي واكسرتـنـي يــا رجــاي وبوجـوده كـان عزمـي أقـوى مـن صـم الجبالـي

حبـه أكبـر مـن حـدودي وابعـد مـن ابعـد مــداي ولأن حبـه بحـر واسـع أصبـح ابعـد مـن منـالـي

انتـي ادرى يـا حروفـي كنتـي مرسالـي وسـلاي يـوم يزعـل تطلبيـنـه وفــي وصـالـي مــا يبـالـي

ليـه عانـد ؟ لـيـه أنـتـي .. قاسـيـه مثـلـه مـعـاي ليـه شحيتـوا وجــادت عيـنـي بـدمـع ٍ همـالـي

لا هجرتوا وش بقـى لـي غيـر لوعاتـي وأسـاي والجـواب اللـي كرهتـه يصـرخ بوجـه السـؤالـي

مـا درى إنـه حياتـي وهـو شقـاي وهــو هـنـاي وانه اجمل ما حصل لـي وحبـه احلـى مـا جرالـي

معـه اغـلـى ذكريـاتـي مــا روتـنـي مــن ظـمـاي وكيـف يروينـي سـرابـه والـوهـم بــس بخيـالـي

ليتـهـا مــا امهلتـنـي لـيـن شفـتـه مــن عـــداي وجار في حبـه وظلمنـي ومـا رأف لحظـه بحالـي

واسمى احساس بكياني صار وصمه ومـن رداي والخفـوق اللـي ظلمتـه كـان مـن أطهـر خصالـي

والبحـر اللـي عشقتـه بــان غــدره فــي هــواي والقمـر عـاد لمسـاره كـوكـب ٍ مظـلـم وخـالـي

اعذريـنـي يــا حـروفـي اعـزفـك بالـحـزن نــاي بغير حزنـي مـا عزفتـك وانتـي والله راس مالـي

يا حروفي اللي شكتني وصارت اصعب من مناي اعذريـنـي يــا حـروفـي ولا تلوميـنـي تعـالـي !!

وقفات شعرية

السلام عليكم ورحمة الله وبركاته

أسعد الله مساكم




تستدعيك بعض المواقف للتعبير شعرا ،،،

هذا ماحدث معي في هذه الوقفات الشعريه








كابوس

من أول ماغفت عيني لفاني همي المقسوم
وحلف يقلق هدوء الروح بالوحشه يهددها
سلام اللحظه مايكمل سلب مني لذيذ النوم
ومناماتي هلع ودموع وصرخاتي ارددها





تنويه

غالي وقدرك على عيني وعلى راسي
والله يديمك عقيد القوم وقايدها
لانيب شيخه ولاهو كابرن راسي
مير الليالي تعاندني واعاندها !!




تخيل

وش شعورك لا اعتبر حبك قديم
والحبيب اللي تعشقه بانشغال
توله وتشتاق واخلاصك عظيم
وقلبك المغرم تحطمه الليال
صاحبك يمكن لقى غيرك نديم
وامتلك قلبه .. جمال مع دلال
أدري ان جرحك من الواقع اليم
بس ارحم من خداعك بالخيال.






لهفه

في ضامري اخفيت لهفة خفوقي
وقتلت اشواقي وهي في مهدها
طبعي عنيد وغادي مثل طوقي
حارمني الراحه وعيني سهدها
يالله عليك البال يهدا يروقي
وتلهمني الخيره توالي عهدها
جرّحت قلبي والدمع كحل موقي
وماعاد لي حيله اعالج جهدها
أما حياة تكتسب طعم ذوقي
والا سلامي للحياه ونكدها !!







منظر

ذابت الشمس واتعبها الوقوف
والسحابه اتبعثرت والبحر هاج
ليت لي قدره اعيش بليا خوف
واتحرر من قيودي والسياج
كان جيتك غانيه بطهر العزوف
وقتها أصفي .. ولو وقتك عجاج







يتيم

آخ من جرحن وسط قلبي قديم
ويتجدد كل مادار الزمان
جرح من غدر الليالي باليتيم
ضحكته تبكي فقد نهر الحنان
فاقد ذاك الابو ووسط الحريم
انبرى عوده وغدا جوه كتام
منهو يدري عن دموعك يالفطيم
ومنهو يقدر يمنح احساسك امان
العزا في واليك والله كريم
ووالدك مرحوم في وسط الجنان






افراق

طفله واتدلل عليك
كثر ما افرح في وصالك
دمعتي تدرج تبيك
آه ياشين الفراق
كنت احسب الوصل يداوي
جرحي وحرمان قلبي
زاد وصلك من شقاي
ومن قسا الدنيا معاي
كيف اكمل هالحياه
دون شوفك يا رجاي
آه يا أغلى مناي
والدمع ظالم وقاتل
والحزن يبس شفاي
آآآآه .. ياشين الفراق !!