القصايد عصتني

 

القصـايـد عصتـنـي والـشـعـر حـــارب سـمــاي والصـبـر مــل وتركـنـي والـحـزن خـيـم فـبـالـي

وضحكتي اللي فارقتني وفرحتـي وبسمـة شفـاي ودمعـتـي مــا أنكـرتـنـي رافـقــت مـــر اللـيـالـي

يا حروفي اللي شكتني وصارت أصعب من مناي اعذريـنـي يـــا حـروفــي ولا تلومـيـنـي تـعـالـي

صدقينـي مــا نسيـتـك لانــك اصــلا فــي دمــاي لكن الوقت وظروفه وصدمتي في شخـص غالـي

صدمتـي فـيـه اذهلتـنـي واكسرتـنـي يــا رجــاي وبوجـوده كـان عزمـي أقـوى مـن صـم الجبالـي

حبـه أكبـر مـن حـدودي وابعـد مـن ابعـد مــداي ولأن حبـه بحـر واسـع أصبـح ابعـد مـن منـالـي

انتـي ادرى يـا حروفـي كنتـي مرسالـي وسـلاي يـوم يزعـل تطلبيـنـه وفــي وصـالـي مــا يبـالـي

ليـه عانـد ؟ لـيـه أنـتـي .. قاسـيـه مثـلـه مـعـاي ليـه شحيتـوا وجــادت عيـنـي بـدمـع ٍ همـالـي

لا هجرتوا وش بقـى لـي غيـر لوعاتـي وأسـاي والجـواب اللـي كرهتـه يصـرخ بوجـه السـؤالـي

مـا درى إنـه حياتـي وهـو شقـاي وهــو هـنـاي وانه اجمل ما حصل لـي وحبـه احلـى مـا جرالـي

معـه اغـلـى ذكريـاتـي مــا روتـنـي مــن ظـمـاي وكيـف يروينـي سـرابـه والـوهـم بــس بخيـالـي

ليتـهـا مــا امهلتـنـي لـيـن شفـتـه مــن عـــداي وجار في حبـه وظلمنـي ومـا رأف لحظـه بحالـي

واسمى احساس بكياني صار وصمه ومـن رداي والخفـوق اللـي ظلمتـه كـان مـن أطهـر خصالـي

والبحـر اللـي عشقتـه بــان غــدره فــي هــواي والقمـر عـاد لمسـاره كـوكـب ٍ مظـلـم وخـالـي

اعذريـنـي يــا حـروفـي اعـزفـك بالـحـزن نــاي بغير حزنـي مـا عزفتـك وانتـي والله راس مالـي

يا حروفي اللي شكتني وصارت اصعب من مناي اعذريـنـي يــا حـروفـي ولا تلوميـنـي تعـالـي !!